Trudde ikkje eg skulle komme så kjapt tilbake igjen etter å ha takka for meg her i haust. Men eg har savna å blogge, så har bestemt meg for å begynne å blogge litt i ny og ne. Startar med dette bildet fra trappa. Det er så herleg med alle løkblomane som tittar fram no.
Og så til det store JIPPI`et:
Vi har endeleg fått beskjed om at vi kan få bygge, heile to år etter at vi søkte. Det har vert ein lang prosess som har enda med at vi ikkje får bygge der vi først hadde tenkt, men nokre meter lenger borte. Ein lang og komplisert sak som eigentleg berre bunnar ut i at områder som er regulert til landbruk skal bevarast for ein kvar pris, sjølv om Forsøksringen i kommuna har konkludert med at tomta ikkje er brukandes til landbruksområde..Grunnen til at vi får bygge nokre meter lenger borte er at det ikkje er regulert til landbruk, men industri. Sjølv om dette området faktisk er meir egna til landbruk. Forstå det den som kan...... Vi er i alle fall glade for at det endeleg skjer noko. Satsar på å komme i gang ein gang i løpet av våren.
Krusedull![]()
